Myanmar rampumhuap Phungki pawl ralrin an pe

Tik Tok, Facebook tivek social media pawl ah Lar duh le mipi Lawmh hlawh duh ah hla sak, laam tivek hmangtu phungki pawl cu rampumhuap phungki pawlkompi in ralrin an pe ih ralrin pek ngai poimawh lotu cu minung ah thlengawk tir an si ding tiah thu suah an tuah.

Cumicu January thlacem ih tuah mi phungki ciivuaipi thuthluknak a si ih ramkulh, ramṭhen le pengṭhen phungki upa pawl hnen ah theihternak an nei thluh zo tiah theih a si.

Mandalay phungki hruaitu pakhat cun “tuhnu lam in Facebook le Tik Tok ti pawl ah hlasak cawng lai video, lam phah hla sak phah in lam phah tivek video hmuh ding a tam vivo ih mipi soiselnak kan tuar nasa.”

“Biaknak lam zawng khalin thil mawi lo a si ruangah tuah nawn lo dingin thuthanaw a si zo” tiah amahcun a rel ih thusuah thlun lotu cu minung ah cangtersal an si dingih phungki duundaan vekin hmalaknak a um ding tiah a ti.

Hih thuthawn pehparin mipi lam in hmuh dan phun 2 an nei ih a dik rori titu an um bangin santiluan zirin kan nung ṭul titu an um ve thung a si.