Hmun ṭhing tuk ah mahten vak lo ding

Mon ramkulh, Lamaing peng tipikap ah mahte vak men fala le tlangval cu zo an si ti theih lo mi mipahnih in meithal thawn an kap ih falanu pum ah an kap ngah.

Hmin tarlang lomi kum 23 mipa le kum 19 mi nunau cu fala le tlangval kopaw pek an si ih mawṭaw cycle thawn mi um tuk lo nak hmun, hmun ṭhing an feh lai ah an dung ihsin mawṭaw cycle to mipahnih in an dawi.

Rinlopin meithal thawn an kap ih falanu pum ah an kap ngah hnu ah suiṭhi le mawṭaw cycle lak sak in an tlan hlo tiah mibawm hnaṭuan pawl in an sim.

“Tuzing nazi 11 luan hrawngih thil cang a si. Falanu hi a kehlam pumsir ah an kap ngah ih a dung ah a tlangh lan. Tlangval awrh mi sui ṭhi le mawṭaw cycle an long.”

“Vanṭhat ah an phone cu a him ih mibawm hnaṭuan pawl in call hnu ah kan va bawm mi a si. Hriam tuar fala hi local siizung ah zohkhen a si nan a besia deuh ruangah Mawlamyine siizung ah kuat sal bet a si zo” ti`n mibawm hnaṭuan ṭuanvonei mipakhat in a rel ih “a ṭul tuk lo ahcu hmun ṭhing tuk ah mahte vak lo ding” tiah a ti.

Fala le Tlangval suamtu hi an hawl nasa nan a tu ca kan ngan tiangah an kai thei hrih lo a si.